روح هادئة، ونفس لاترغب بـ شيء

مساء الخير عليكم جميعا

طبعا اليوم دوامي ليلي من ساعة 7 ل 7 الصباح
وطبعا طلعت استراحة صلاة صليت العشاء
ورحت غرفة الاستراحة على اساس اشرب مويا وارجع
واجلس على المكتب وتجيك هذيك النومة تقريبا نص ساعة نمت
من تعب
صحيت لما دخل الدكتور
قال نايف اشبك يا بوي نايم هنا شكلك تعبان
قلت له اعذرني والله ماحسيت بنفسي
قال ما نمت كويس
قلت له وين انا اعاني عشان انام واذا نمت انام ساعات قليله مرا ومتقطعة
قال طيب يالله تعال يدورونك
قلت له طيب بس اغسل
رحت للعيادة وجاء صديقي يقول لي جيت وشفتك تعبان ما حبيت اصحيك
وانت نايم رجلك كانت كانها تضرب
قلت له يعطيك العافية
قال انت من لما رجعت من اجازتك ولندن وانت ماعرف ايش فيك متغير
قلت له تحمل المسوولية وانا اخوك وتعب الاهل كويس اني باقي واقف على رجولي ماطحت