آنثى ابلغ من اللغة واعمق من الاختصار🕊️

أيامنا ماجت على الكيف ياسعود
ساعة تجي معنا وساعات بالعكس

المشكلة ان جاك البلا من قرايبك
كيف العمل وش الدوا والبصيرة

ظلم القرابة نار ما بعدها نار
تبقى مع الايام توقد لهبها

لا تحلف انك على فرقاي يازين مجبور
لا والله الا نويت وجت على ما تمنيت

وانا على ماحصل منك وما شفت مقهور
معقول وانا الذي من اجل راحتك ضحيت

ياليت لك عذر واقول يمكن الزين معذور
والا خطا جاك من عندي وعذرك انا اخطيت

روح وبتجيني بعد كم يوم نادم ومكسور
وتقول انا اسف على كان مني وسويت

لا تشتكي همك على الناس وتبوح
بعض البشر ما يصدقك في النصيحه

بعض الجروح ايام وشهور وتروح
وهرجتك للناس تبقى فضيحه

البعض منا نحسبه للجسد روح
والبعض كالجوال من غير شريحه

لكنك ارضى بالذي جا في اللوح
تكسب رضا ربك وجنة فسيحه

نحزن على الدنيا اذا فاتنا فوت
والاخرة ياسعود محدن ذكرها

نضحك ونتمشى ولا كن به موت
والصحة وانا اخوك ما حد شكرها

يآرب مافي انسان طاهر ومعصوم
ومجاهدات النفس يارب طاعة

يارب تقبل لي صلاتي مع الصوم
واحشرني ياربي مع اهل الشفاعة

ودي بشخص طيب القلب ياسعود
اعلمه عن حاجة في النفس واشكي

لو كان أصدقائي قريبين وشهود
ما شفتني ياسعود محزون وابكي

ماعاد فيني اكتب ترى النفس طابت
واللي خلقك اني من البعض موجوع

كتمت بس الدمعة بالغصب طاحت
دمعة ورى دمعة الين صارحت دموع

ماعندي الا الشعر والليل وسعود
اشكي عليهم ما بقلبي من الكرب

يارب باب الخلق مقفل ومرصود
ولا بقى من باب الا انت يارب