سمعت امس انشودة بالدار
وحبيتها ومو فاكرة غير ( انست فيه راحتي )
وعاد احب انا الانشاد وسماعها
ف تخيلو اردد بس ذي الجملة
وبقية النص بمخي مفقود هههه
واقوم ارسل ل وحدة من البنات
قلت اسمعي روحي ارسلي للبنت اللي سوت البرنامج
شوفي وش اسم الانشودة << مشوار طويل ههه
بس حابتها ولازم اعرفها
وعاد طالبة المايك بكرة يجيني
لان حقي القديم انكسر
ف الله يعين اهلي ببثرهم اليومين ذي اكثر
تعوَّد أن لا تتعوّد"
لا تعتاد شيئاً أو أحداً أو مكاناً أو صوتاً أو حديثاً لكي لا تتألم عندما تُغادرك الأشياء وتتغير الأماكن
لا تتعوّد لكي لا تُغتال في عمق روحك.
صباح الجمال والطاقة الإيجابية
امس حرفيآ كان يوم جمممميل
بداية من جمعة عائلتي بيوم التاسيس
انبسطت حيل مع البنات وفليتها حيل
وختام الفرحة بفوز الاتحاد
روقت زيادة بعد الفوز
الله يجعل كل ايامي سعادة وفرح
وانتصارات للاتحاد
مهلاً يا«رمضان.. ما أسرعَ خُطاك
بالامس 1 واليوم 9
تأتي على شوقٍ وتَمضي على عجل ..
فسبحان من وصفك ب أيام معدودات ..
يارب تقبل منّا مامضى ..وأعنّا على ما بقي..
وأعتق رقابنا من النار بعفوك ومغفرتك واحسانك
انك على كل شيء قدير ..
مساء الخير مدونتي
عاد قلت خليني اشرب قهوتي واسولف هنا
ع طاري القهوة صايرة اميل للقهوة السوداء
لكن ماتغني عن قهوتي المبهرة بالهيل
اخواتي وبنات عمتي مدمنين قهوة السعودية
بس بعدين تغير المود صارو يشربون القهوة السوداء
يجلسون بالايام عادي مايتقهون قهوة السعودية
يقولون مصيرك تصيرين مثلنا تتغيرين عليها
بس احس استحالة اتغير عليها
القهوة السوداء اشربها بس ماتكيفني
وماعندي لها طقوس ،اشربها وخلاص
عكس قهوتي لها طقوس واجواء لها مزاج
القهوة المهيلة تذكرني بجدتي الله يرحمها
كنت اجي اتقهوى عندها لين ادمنتها
وعاد هي تسولف وتقصد لي من الاشعار
واذا هيلها ناقص تقول
الدلة اللي ما تبهر من الهيل
مثل العجوز اللي خبيث نسمها
عاد انا ادمان هيل يبي لي ع قولهم مصنع كامل
عشان كذا لو احب كل انواع القهوة ماتغني ابدا عن قهوتي المهيلة
…
عضويتي :
║
мч ммѕ ║
العرض العادي
