روح هادئة، ونفس لاترغب بـ شيء

اليوم رحت زرت جدتي ام أمي نزلت الطايف
ياروحي هي. تعبانه
سالتها خالتي قالت لها يمة تعرفين من هذا
طالعت جدتي فيني وقالت لا مين
قالت افا يمه ماتعرفين حبيبك هذا نايف عبدالعزيز ولد سارة
قالت ماشاء الله هي سارة جابت ولد وصار كبير
قال لها خالي اي يمه من زمان جابت ولد ودحين كبر
قالت وين اخته عنه ليه ما جات معه هو عنده أخت
قالت لها خالتي تقصدين أخواته من أبوه
قالت جدتي لا. لا. اخته من أمه
قالوا لها ماعندها سارة غير نايف
كان تقول اها وين بعدين قالت هو
وين أبوك مايجي لي.
قلت لها أبوي متوفي من زمان
قالت انت ما كنت معه
بعدين ياروحي هي. قالت ولد سارة كان تعبان كان صغير عمره
3 سنين وراح مع أبوه وقالوا لي انه ب المستشفي
هو طلع هو بخير وينها سارة ماجات معك أكيد بنتي فيها
شيء أكيد زعلانه على زوجها وولدها
ماقدرت أتحمل كلامها. قمت ومسكت يدينها
وقلت لها يمه أنا نايف ولد سارة وعبدالعزيز
يمه شوفيني أنا بخير وقدامك مافيني شيء طبت
وكبرت يمه أنتي نسيتيني
و سارة بتجي لك بس عندها شغل
كان تقول اي صح بنتي صارت دكتورة
ياروحي روحها جدتي صار معها زهايمر بدايته
ناسيه كل سنين مو متذكرة غير قبل 27 سنه
نستني مو متذكرة غير نايف الصغير
اللي طلع مع أبوه وراح المستشفي

المصدر : منتديات تتنفسك دنياي - من ساحل دنياي الخاص