نزف الملوك بصمت

ضاق المكان الي من اول احبه واجيه
مدري هو الدرب ولا الصدر مابه سعه
كم مرت وجيه في عمري وعدت وجيه
ومافيهم الي بقى لي وخذاني معه
ياعاذرين الحياه احتاج قلب نزيه
عفويتي قابلتها قلوب متصنعه
القلب مافي احد يستاهل يعيش فيه
رفعتهم فوق لكن طاحت الاقنعه

الخساير تعوض و المواجع تطيب
والليالي فرحها يطمس احزانها
والبلا ذكريات بداخلي ماتغيب
رجوعها مستحيل وصعب نسيانها

ياليل لاتسرق من عيوني النوم
كافي سهر ماعاد للعين قدره
انا تعبت اسامرك ضيق وهموم
ان كان باقي هم خله لبكره

ياصاحبي ماعاد بالخاطراحلام
لاالروح مرتاحه ولا القلب هادي
من كثر ماجارت بنا ظروف الايام
صرنا نرى صدماتها شي عادي

ياضيقة الصدر دام الله موسعها
وش له تركتي عباد الله وجيتيني
لو اني اقدر على الفرحه واطلعها
ماكان والله بعد جيتي لقيتيني

ماني بصوب الورد يابايع الورد
انا بدوي ثوبي على المتن مشقوق
عطوني الجاكيت ذابحني البرد
والحزن والحرمان والبعد والشوق

على الأمل نزرع بساتين الاحلام
عسى المزون تمرها في وعدها
تسقي عروق غرها صيف الاوهام
لولا الأمل ماتت ضمى في مهدها