في سورة الكهف آية :
{ وَكَيْفَ تَصْبِرُ عَلَى مَا لَمْ تُحِطْ بِهِ خُبْرًا }
يصعب على الإنسان بنظرته الدنيوية المحدودة أن يفهم الأمور التي تحصل حولة أو يفهم الحكمة المخبأة وراء الأبتلاء فـ يارب ألهمنا الصبر على ما لم نحط به ، وأرضنا بقضائك حتى تظهر حكمتك في كل شي
لي يومين ماشربت قهوة تمخمخ مزاجي
واحس ناقصني شي كبير
يعني شربت هنا عربي ولاتيه وكل الانواع
لكن مشتاقة لـ قهوتي
قهوة بالهيل تمخمخ الراس
وريحتها اللي تطرب المزاج قبل شربها
مدري ليه يستغربون !!
لما ماتعجبني اي قهوة غير قهوة شبيه بقهوتي
يعني القهوة اللي تكون خالية من الاضافات
ومبهرة هيل
الناس اذواق ومو شرط يعجبني اللي يعجبهم
بالاخير
لولا اختلاف الأذواق لبارت السلع
ليتهم يتعلمون ذا صدق
ولا يستغربون اي عادة بالشخص
مساء الخير
عاد جيت اسولف شويتين
انحطيت بموقف
شفتو شعور التناقض ذا حسيته
مدري افتخر من نفسي ولا انحرج
المهم كان بالتحفيظ
كان الوقت نهاية الدوام
وجيت اقرأ التلاوة ولخبطت باية بحركة ُُ
عاد الاستاذة استغربت منال كيف تلخبطي
ومنال اصلا طافية ومصدعة مافيها حتى تحاول ههه
قامت قالت للفصل دام منال لخبطت ب ذي الاية
كُل الفصل يقراها لايكون صعبة
الموقف كان محرج شويتين لي
وبنفس الوقت فخر من روحي
ان الاستاذة فعلا تشوفني كذا شاطرة بامتياز
لدرجة مو مستوعبة انه ماشاء الله اخطيت باية
يعني هي دايم تمدحني وتقول
ودي اعطيك نجمة ع امتيازك ماشاء الله
بس يوم انحطيت بالموقف
ع كثر احراجي ع كثر مافتخرت من نفسي
وبس الله يثبتني بحفظه يارب
مساء النشاط والانجاز
طبعآ اليوم خميس ماعندي دوام
فـ قررت انجز بذا اليوم واعيشه بكل نشاط
تقهويت وروقت ع الاخر
وسويت لي عصير طبيعي وافطرت
وبعدها رحت النادي وبعدها رحت المول اتسوق
حبيت النادي بوقت الصباح كذا هادي ورايق مرة
ف كل مرة ماعندي دوام بروح الصباح اروق
وحاطة مهام بسويها ان شاء الله اليوم
عشان اختم يومي بكل انجاز وراحة
باقي بس ارتب نومي يصير وقتها
انا وصلت اعلى مراحل الانجاز بيومي كله ههه
لان اذا ترتب نومك ترتب بعدها اكلك وحياتك
فـ حلووو اللي يعيش بكل ترتيب
وقتها بتحس ان يومك مامر ع الفاضي
وحتى مهامك المتراكمة تنجزها بالوقت المناسب
عضويتي :
]
العرض العادي
